Una dotación de la Policia nacional española golpeó brutalmente y detuvo a dellos inmigrantes africanos esti martes 8 de xunetu, na cai Doctor Casal, alredor de les ocho la tarde, según denuncia de la agrupación llocal del PCPE.
Los fechos socedieron, tal y como dalgunos ciudadanos presentes treslladaron al comité comarcal del PCPE d'Uviéu, de la siguiente manera: ciudadanos inmigrantes taben vendiendo dellos productos na cai Doctor Casal, cuando varios axentes de paisano s'abalanzaron violentamente sobre ellos. Al mesmo tiempu, personáronse nel llugar dos dotaciones policiales que zarraron la cai y procedieron a golpiar a los trabayadores inmigrantes y a detenelos metiendolos violentamente nes furgonetas, llegando a ferir a dalgunos de los deteníos ensin qu'en nengún momentu estos presentasen resistencia dalguna, ante la estupefacción de los ciudadanos presentes que mostraron la so indignación ante la violencia policial y llegaron a abuchear a los axentes recriminándoyos la so actitú.
El PCPE, ente la gravedá de los fechos socedíos y que vienen repitiéndose n'Uviéu, llama a la población:
- A lluchar contra la facista DIRECTIVA DE RETORNU de la XE.
- A esixir la puesta en llibertá de los deteníos.
- A nun tolerar niegún tipu de violencia policial, faciendo sentir la presión popular a quien emplegue la violencia.
- A esiixir la depuración de responsabilidaes y la sanción a los axentes qu'emplearon la violencia.
- A pidir la dimisión del Delegáu del Gobiernu, Antonio Trevín, pola constante represión qu'exerce contra'l movimientu obreru, antifacista, vecinal asturianos y contra la indefensa población inmigrante.
